2019 թվականը բավականին «գիտաշունչ» էր. տարին հագեցած էր գիտաժողովներով և սեմինարներով, որոնց ընթացքում տեղի ունեցան հանդիպումներ և քննարկումներ համաշխարհային ճանաչում ունեցող մասնագետների հետ, ինչի արդյունքում իրականացան ՀՀ-ում սեքսոլոգիայի զարգացման համար գիտաբժշկական կարևոր նշանակություն ունեցող ծրագրեր:
Դեկտեմբերի 27-ին տեղի ունեցավ Սեքսոլոգների Հայկական Ասոցիացիայի ամփոփիչ նիստը: Ամփոփվեցին կատարված աշխատանքները։ Հանդիսավոր նիստին հրավիրված էին նաև Գիտաժողովի մասնակիցները։ Ներկա էին ոչ միայն ասոցիացիայի անդամները այլև հյուրեր և հարակից մասնագետներ:
Նիստին ներկայացվեց 2019 թվականին կատարված աշխատանքների հաշվետվությունը և 2020 թ. նախատեսվող ծրագրերի նախնական պլանը: Այս տարի առանձնահատուկ էր «Սեքսոպաթոլոգիա» մասնագիտության համար, քանզի Սեքսոլոգների Հայկական Ասոցիացիան ԵՊԲՀ Սեքսոպաթոլոգիայի հետ համատեղ մեծ շուքով նշեց ամբիոնի 20-ամյակը՝ կազմակեպելով «Սեռական և վերարտադրողական առողջության մուլտիդիսցիպլինարային ասպեկտերը» միջազգային գիտաժողովը:
Սեքսոպաթոլոգիայի ամբիոնի համար կարևորագույն մի հանգամանք ևս ընդգծվեց, այս տարի վերականգնվեցին «Սեքսոպաթոլոգիա» առարկայի դասաժամերը «Սեքսոլոգիայի հիմունքներ» առարկայի տեսքով:
Ֆոտոշարքով ներկայացնենք այն գիտաժողովներն ու միջոցառումները, որտեղ մասնակցել է ՍՀԱ։
Առանձնահատուկ ուրախությամբ և մեծագույն պատվով նշվեց, որ հայտնի գիտնական, ՊՐՈՖ. ԱԴԱ ԹԱԴԵՎՈՍՅԱՆԸ ԴԱՐՁԵԼ Է ՍԵՔՍՈԼՈԳՆԵՐԻ ՀԱՅԿԱԿԱՆ ԱՍՈՑԻԱՑԻԱՅԻ ՊԱՏՎԱՎՈՐ ԱՆԴԱՄ:
Այնուհետև հանդիսավոր կերպով հանձնվեցին նաև գիտաժողովի մասնակիցների վկայականները:
Վերջում հնչեցին տոնական բարեմաղթանքներ:
